Caya Ernesto Petronia 51, Ponton, Aruba.

EN

Diferente Echo

Durante e embaraso bo por haci diferente ecografia pa diferente motibo. Por uza e echonan pa sigui e estado di crecemento y bienestar di bo baby y tambe por hacie pa “diversion”. Na Cas di Partera nos ta ofrece e siguiente ecografianan

Echo pa confirma e embaraso

Esaki ta pa confirma e embaraso y pa mira e batimento di curason di e baby entre 7 y 10 siman. Tin posibilidad cu e echo aki mester wordo haci vaginalmente. Ta importante no orina un ora prome cu e procedura.

Echo pa Diversion

Si no tin motibo medico, pero bo kier tira un bista riba bo baby, bo por pidi pa un “echo pa diversion.” Nos ta recomenda haci esaki prome cu e di 28 siman pa bo haya algun imagen precioso. Despues, e baby lo ta demasiado grandi.

Echo pa determina e sexo

For di e di 18 siman di embaraso nos por determina e sexo di bo baby. Corda cu tin biaha no ta posibel determina 100% e sexo di e baby. Den e caso aki nos lo propone pa bo bin un di dos biaha despues di algun dia.

Echo pa determina e fecha premira di e parto

Durante e di 10 siman di embaraso, ideal ta pa midi e baby pa asina calcula e fecha premira di e parto. Si abdominalmente e no ta mucho duidelijk, lo ta necesario pa realisa e echo vaginalmente. Ta esencial pa no orina un ora prome cu e procedura. Durante esaki, lo por mira e batimento di curason y probablemente algun movecion.

Echo 3D/4D

Bo lo kier sa ken bo baby parce? Ki aspecto bo baby lo tin? E echo aki ta esun cu bo tin cu haci! Lo ideal ta pa hacie entre siman 28 y 32 di e embaraso. Lo bo haya imagen hopi realista con e baby lo ta. Nos lo graba e imagennan (3D) y video (4D) riba un USB stick. Tene na cuenta cu ta existi e posibilidad cu, si e baby no ta den un posicion ideal, lo bo no por mira su cara. Den e caso aki, nos lo ofrece pa hacie un biaha mas.
Durante cualkier Echo cu bo haci na Cas di Partera bo tin e opcion pa cumpra un USB stick pa por graba e imagennan.
EN