Caya Ernesto Petronia 51, Ponton, Aruba.

Control prenatal

Durante bo embaraso, lo tin hopi consulta na Cas di Partera. Na principio, lo ta cada cuater siman y mientras cu e embaraso ta avansa, e ta mas frecuente. E prome “intake” lo ta cerca di 8 siman di embaraso. Durante e “intake” lo trata diferente tema cu por influencia bo embaraso. Tambe lo tin pregunta riba bo historial medico, si bo ta tumando algun remedi, bo antecedente familiar, bo situacion social y cualkier otro tema cu por ta importante pa bo embaraso. Si tabatin embaraso anterior, tambe lo papia riba esey.

Lo bo ricibi informacion riba e pruebanan prenatal disponibel na Aruba y tur e analisisnan di ecografia, sanger y orina cu lo ta necesario pa realisa durante bo embaraso. Bo lo ricibi informacion riba un estilo di bida saludabel y habitonan alimenticio saludabel. Lo tin oportunidad pa haci pregunta. Den e caso cu bo ta desea, bo por haci un ecografia pa confirma e embaraso.

Durante cada consulta consecutivo lo midi e presion y e crecemento di e matriz. Y lo scucha e batimento di curason di e baby. De bes en cuando lo pisa e mama. Den e caso cu tin molester o keho, e partera lo evalua si nan ta normal o si mester consulta cu e ginecologo. Asina, hunto lo dicidi si bo por keda cu partera o si mester sigui consulta cu e ginecologo. Durante e embaraso, lo papia ampliamente riba e parto y den e caso cu bo tin cierto preferencia o peticion, por trece esaki dilanti durante e combersacion.
EN