Cada parto ta diferente y unico, pa loke cada persona ta bib’e di forma diferente y na su manera. Ora cu bo ta den parto y bo ta wordo avisa pa bo bay Sala di Parto, lo bo wordo atendi pa e enfermera, cu lo realisa e prome analisis cu ta consisti di:

- Revision di monitor: cu esaki lo registra si tin contraccion (dolor di yiu) y tambe e batimento di curason di e baby.

- Tacto vaginal, pa determina si e boca di matriz a dilata y cuanto cm. Lo informa na e partera, kende lo dicidi si ta necesario pa keda hospital o cu por bay cas cu instruccion.